वैदेशिक अध्ययनका लागि एनओसी अब अनलाइनमार्फत घरबाटै उपलब्ध

काठमाडौँ । वैदेशिक अध्ययनका लागि आवश्यक ‘नो अब्जेक्सन सर्टिफिकेट’ (एनओसी) अब घरमै बसेर अनलाइन मार्फत लिन सकिने भएको छ । शिक्षा,विज्ञान तथा प्रविधि मन्त्रालय अन्तर्गतको एनओसी शाखाले सेवा पुर्ण रुपमा डिजिटल बनाएको छ ।

यसका लागि त्रिभुवन विश्वविद्यालय (त्रिवि) र काठमाडौँ विश्वविद्यालय (केयू) सँग प्रणाली जोडिएको छ भने जसले विद्यार्थीका शैक्षिक विवरण अनलाइनमै प्रमाणीकरण गर्न सजिलो बनाएको छ ।

अब विद्यार्थीले आवेदन देखि प्रमाणपत्र डाउनलोडसम्मको सम्पुर्ण प्रक्रिय आफ्नै प्रोफाइलबाट पूरा गर्न सक्नेछन् । एनओसीमा क्यूआर कोड पनि समावेश गरिएको बताइएको छ । यसअघि उच्च अध्ययनका लागि आवेदन दिनेहरुले प्रमाणपत्र रुजु गर्न कार्यालय जानुपथ्र्यो भने नयाँ प्रणालीले त्यो बाध्यता हटाएको छ ।

त्यस्तैगरी एनओसी शुल्क पनि अनलाइनमार्फत तर्न सकिने भएपछि प्रक्रिया अझ सहज र छरितो बनेको शिक्षा,विज्ञान तथा प्रविधि मन्त्रालयले जनाएको छ ।