सर्वोच्चद्वारा अख्तियारलाई स्टिङ अपरेशन रोक्न आदेश

सर्वोच्च अदालतले अख्तियार दुरुपयोग अनुसन्धान आयोगलाई स्टिङ अपरेशन नगर्न आदेश दिएको छ । संवैधानिक इजलासले स्टिङ अपरेशन नगर्न रिट आदेश दिएको हो ।
स्टिङ अपरेशनविरुद्ध परेको रिटमा प्रधानन्यायाधीश चालेन्द्र शमशेर जबरा, न्यायाधीशहरु दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडासहितको संवैधानिक इजलासले स्टिङ अपरेशन रोक्न आदेश जारी गरेको हो ।
अख्तियारले स्टिङ अपरेशनलाई भ्रष्टाचारविरुद्धको रणनीतिका रुपमा प्रयोग गर्दै आएको थियो । घुस रकमसहित रङ्गेहात पक्राउ गर्न यस्तो अपरेशन चलाइने गरिएको थियो ।