जानकारी केन्द्र । नेपाल टेनिस संघद्वारा भोलि सोमबारदेखि शुक्रबारसम्म आईटिएफ एसिया १२ एण्ड अन्डर टेनिस कम्पिटिसन, रिजनस क्वालिफाइड इभेन्ट साउथ एसिया–२०२२ आयोजना गरिएको छ ।
उक्त संघले दक्षिण एसियाका सातै राष्ट्रको सहभागितामा प्रत्येक राष्ट्रबाट ६ खेलाडीहरुको कम्पिटिसन सहभागिता रहने जानकारी दिएको छ । त्यस्तै, आइतबारको पत्रकार सम्मेलनमा संघले उक्त प्रतियोगिता सातदोबाटोको टेनिस कम्प्लेक्समा हुने एवम् सम्पूर्ण तयारी पुरा भएको जनाएको छ ।
यसैगरी, प्रतियोगितामा सहभागी हुने नेपाली खेलाडीहरुको छनोट गत जेठ गतेदेखि १० गतेसम्म सातदोबाटोमा भइसकेको छ । साथै, संघले प्रतियोगिता संचालनको लागि टुर्नामेन्ट डाइरेक्टर अजय विष्ट, आईटिएफ रिप्रिजेन्टेटिभ जोनावन स्टब्स र आईटिएफ रेफ्री प्रवीन कुमार नायक नेपालमा आइसकेको जानकारी दिएको छ ।
