जापानमा पूर्वप्रधानमन्त्री शिन्जो आबेमाथि गोली प्रहार

काठमाडौं । जापानको पश्चिम क्षेत्रमा नारा भन्ने स्थानमा सडक भाषण दिइरहेको अवस्थामा पूर्वप्रधानमन्त्री शिन्जो आबेमाथि गोली प्रहार भएको छ ।

उनीलाई पछाडिबाट गोली प्रहार भएको हो । उनलाई हाल नारा मेडिकल युनिभर्सिटीमा भर्ना गरिएको छ । उनको अवस्था गम्भीर छ । जापानका मिडियाहरुले उनी हाल बेहोस अवस्थामा रहेको जनाएका छन् । गोली लागेको ठाउँबाट रगत बगिरहेको कारण हृदयाघातको अनुमान गरिएको छ । उनलाई तत्कालै हेलिकप्टरमार्फत् उपचारका लागि अस्पताल लगिएको थियो ।

त्यस्तै, गोली प्रहार गर्ने व्यक्ति पनि हाल नियन्त्रणमामा रहेका जनाइएको छ । प्रहरीले घटनाको थप अनुसन्धान गरिरहेका छन् ।

सन् २०२० मा आबेले प्रधानमन्त्री पद छाडेका थिए । तर उनी अझै पनि सत्ताधारी लिबरल डेमोक्रेटिक पार्टीमा प्रभावशाली नेता मानिन्छन् । यही जुलाई १० तारिखमा हुने माथिल्लो सदनको चुनावी अभियान अन्तर्गत उनले सो भाषण गरिरहेका थिए ।