काठमाडौं । नेपालमा पछिल्लो २४ घण्टामा थप ६२० जनामा कोरोना भाइरसको संक्रमण पुष्टि भएको छ ।
स्वास्थ्य मन्त्रालयका अनुसार कोरोनाबाट पछिल्लो २४ घण्टामा एक जनाको मृत्यु भएको छ । यससँगै हालसम्म कोरोनाबाट ज्यान गुमाउनेको संख्या ११ हजार ९६७ पुगेको छ । आइतबार २९७ जना कोरोना संक्रमणमुक्त भएका छन्। हाल देशभर ४ हजार ५६७ कोरोनाका सक्रिय संक्रमित रहेको स्वास्थ्य मन्त्रालयले जानकारी दिएको छ ।
गत २४ घण्टामा देशभर २ हजार ६५१ पीसीआर तथा ३ हजार १९५ एन्टिजेन परीक्षण भएको छ ।
