श्रीमानद्वारा श्रीमतीको घाँटी रेटेर हत्या

सुर्खेत । सुर्खेतको पन्चपुरीमा एक युवाले आफ्नै श्रीमतीको घाँटी रेटेर हत्या गरेका छन् । पञ्चपुरी नगरपालिका ३ तोक्माका ३८ वर्षीय अम्मर आले मगरले मंगलबार दिउँसो धारिलो हतियार प्रयोग गरी ३० वर्षीया श्रीमती मिना आलेको घाँटी रेटेर हत्या गरेका हुन् ।

आलेलाई इलाका प्रहरी कार्यालय बाबियाचौरबाट खटिएको प्रहरी टोलीले सोही ठाउँको पलैटे स्वास्थ्य चौकी नजिकबाट पक्राउ गरेको हो । आलेलाई प्रहरीले नियन्त्रणमा लिएको जिल्ला प्रहरी कार्यालय सुर्खेतका प्रहरी प्रवक्ता एवम् डीएसपी सुरज कार्कीले जानकारी दिए ।

कार्कीका अनुसार आलेलाई थप अनुसन्धानका लागि इलाका प्रहरी कार्यालय बाबियाचौरमा राखिएको छ ।