सत्ता गठबन्धनले टुंग्यायो प्रदेशको भागबण्डा, कहाँ कसको सरकार ?

काठमाडौं । सत्तारुढ गठबन्धन दलहरुबीच प्रदेश सरकार गठनको बाँडफाँट टुंगिएको छ । दलहरुबीच आइतबार साँझ बालुवाटारमा भएको छलफलमा बाँकी रहेका ६ वटा प्रदेशको पनि बाँडफाँट भएको हो । जसमा गण्डकी र लुम्बिनीमा एमालेले सरकार बनाउने छ ।

बागमती र सुदूरपश्चिममा एमाले र माओवादीले आलोपालो गर्ने, मधेस प्रदेशमा जसपा र जनमतले आलोपालो सरकार बनाउने र कर्णालीमा माओवादीले सरकार बनाउने सहमति भएको हो ।

यस्तै प्रदेशका अन्य मुख्य पदमा पनि दलहरुबीच भागबण्डा भएको छ । मधेस र कर्णाली प्रदेशसभा सभामुख एमालेले पाउने छ भने प्रदेश १, गण्डकी, लुम्बिनी र सुदूरपश्चिमको सभामुख माओवादीले पाउने छ ।

यस्तै बागमती प्रदेशसभा सभामुख राप्रपाले लिने भएको छ । यसैगरी, प्रदेश १ र गण्डकीको उपसभामुख एमाले, बागमती र कर्णालीको उपसभामुख माओवादीले लिने छ ।

यस्तै लुम्बिनीको उपसभामुख राप्रपा र मधेस प्रदेशको उपसभामुख जनमत पार्टीलाई दिने सहमति भएको छ । सुदूरपश्चिमको उपसभामुख नागरिक उन्मुक्ति पार्टीलाई प्रस्ताव गरिएको छ । प्रदेश १ को मुख्यमन्त्रीमा भने एमालेका हिक्मत कार्की नियुक्त भइसकेका छन् ।

मुख्यमन्त्री :
प्रदेश १ – एमाले
मधेश – जनता समाजवादी अनी जनमत पार्टी आलोपालो
बाग्मती – माओवादी अनी एमाले आलोपालो
गण्डकी – एमाले
लुम्बिनी – एमाले
कर्णाली – माओवादी केन्द्र
सुदूरपश्चिम – एमाले अनी माओवादी आलोपालो

सभामुख :
प्रदेश १ – माओबादी
मधेस – एमाले
बाग्मती – राष्ट्रिय प्रजातन्त्र पार्टी
गण्डकी – माओबादी
लुम्बिनी – माओबादी
कर्णाली – एमाले
सुदूरपश्चिम – माओवादी

उपसभामुख:
प्रदेश १ र गण्डकी – एमाले
मधेश प्रदेश- जनमत पार्टी
बागमती र कर्णाली – माओवादी
लुम्बिनी – राप्रपा
सुदूरपश्चिम- नागरिक उन्मुक्ति पार्टी ।