काठमान्डौं
पबित्रा उप्रेती / जानकारी केन्द्र
याडिया इलेक्ट्रिक स्कुटर नेपालका लागि आधिकारीक बिक्रेता कुजु नेपाल प्रा लि ले नेपालमा भित्राएको छ । नेपालमा इन्धनको मूल्यमा उतार चढाव आए सँगै विद्युतीय स्कुटरको बजारमा पनि दिनप्रतिदिन वृदि भइरहेको छ । यसै सन्दर्भमा नेपालमा उपलब्ध याडिया जी ६ को बारेमा कुरा गर्नु पर्दा २ लाख ६० हजार रुपैया मुल्य तोकिएको जी सिक्स विद्युतीय स्कुटर लाइ फुल र्चाज गर्न ६ देखि ७ घण्टा लाग्छ भने यस याडिया जी सिक्स बिधुतीय स्कुटरमा १ सय ७० एम एम ग्राउन्ड क्लियरेन्सका साथै १ सय ५० कि मी रेञ्ज रहेको छ ।
उक्त स्कुटरको लम्बाई १ हजार ७ सय ९० एम एम, त्यस्तै चौडाई ७ सय ३५ एम एम का साथै उचाई १ हजार २ सय २० एम एम रहेको छ । याडिया जी सिक्स विद्युतीय स्कुटरमा बुट स्पेस ३० लिटर रहेको छ भने यस स्कुटरमा व्हीलबेस १ हजार २ सय ७० एम एम पाउनुका साथै मोटरको कुरा गर्नु पर्दा टीटीफर मोटर रहेको बताइएको छ ।
यस स्कुटरमा २ हजार वाट रेटेड पावर रहेको छ भने ३ हजार वाटको पीक पावर पाउन सकिने जनाइएको छ । उक्त जी सिक्स विद्युतीय स्कुटरमा पीक टर्क १ सय ४९ एन एम रहेको छ । ब्याट्री क्यापसिटी ३८ एम्पियर , ७२ भोल्ट रहनुका साथै ग्राफिन ब्याट्री रहेको बताइएको छ । याडिया जी ६मा टप स्पीड ६० कि मी /प्रति घण्टा रहेको छ भने अगाडिको टायर ९०/९०–१२ रहको छ यस्तै गरेर पछाडिको टायर १००/८०–१२ रहेको छ । उक्त स्कुटरको तौल १२० केजी रहेको कम्पनीले बताएको छ ।
