केयर स्टारमर नेतृत्वको बेलायतको लेबर पार्टीले ठूलो जित हासिल गर्दै सत्तामा फर्किएको छ । लेबर पार्टी बेलायतमा १४ वर्षपछि ऐतिहासिक जितका साथ सत्तामा फर्किएको छ ।
६५० सिट रहेको बेलायतको तल्लो सदनमा बहुमतका लागि ३२६ सिट आवश्यक पर्दछ । जसमा लेबर पार्टीले अहिलेसम्म ३८० सिटमा जित हासिल गरिसकेको छ । त्यस्तै ऋषि सुनकको नेतृत्वमा रहेको कन्जरभेटिभ पार्टीले ९२ सिट मात्र जित्न सकेको छ ।
लेबर पार्टीको यो चुनावी जितलाई सन् १९९७ मा टोनी ब्लेयर नेतृत्वको लेबर पार्टीको जितसँग तुलना गरिएको छ । सो निर्वाचनमा ब्लेयरको नेतृत्वमा लेबर पार्टीले ४१९ सिट जितेको थियो ।
लेबर पार्टीको सरकार बन्ने निश्चित भएसँगै यसका नेता केयर स्टारमर अब नयाँ प्रधानमन्त्री बन्ने निश्चित जस्तै भएको छ ।
२०१५ देखि केयर स्टारमरको संसदीय निर्वाचन क्षेत्र होबर्न र सेन्ट प्यानक्रस हो । स्टारमरले आफूलाई ‘कामदार वर्गको पृष्ठभूमि’ को रूपमा वर्णन गर्दछन् ।
उनका बुबा एक उपकरण निर्माता थिए र उनकी आमा नर्सको रूपमा काम गरिन् ।
१६ वर्षको उमेरसम्म उनको पारिश्रमिक स्थानीय काउन्सिलले तिरेको थियो । स्कूल पछि, उनी विश्वविद्यालयमा जाने र लीड्स विश्वविद्यालयमा भर्ना हुने आफ्नो परिवारको पहिलो सदस्य बने । पछि उनले अक्सफोर्ड विश्वविद्यालयमा कानून पढे ।
उनी सन् १९८७ मा ब्यारिस्टर भए र मानव अधिकार कानूनमा विशेषज्ञ बने । आफ्नो कामको सम्बन्धमा, उनी क्यारिबियन र अफ्रिकामा बस्थे, जहाँ उनले मृत्युदण्डको सामना गरिरहेका कैदीहरूको मुद्दा लडे ।
९० को दशकको उत्तरार्धमा उनले तथाकथित म्याकलिबेल कामदारहरूको मुद्दा सित्तैमा लडेका थिए । २००८ मा केयर सार्वजनिक अभियोजनको निर्देशक चुनिए । जुन इङ्गल्याण्ड र वेल्समा सबैभन्दा वरिष्ठ आपराधिक अभियोजकको पद हो । २०१६ मा, उनी उत्तरी लन्डनको होबर्न र सेन्ट प्यानक्रसका लागि सांसद बने ।
उनले पूर्व लेबर नेता जेरेमी कोर्बिनको फ्रन्टबेन्च टोलीमा ब्रेक्सिट सचिवको रूपमा काम रे, जहाँ उनले दोस्रो ब्रेक्सिट चुनावलाई विचार गर्न आह्वान गरे । ब्रेक्सिट भनेको बेलायतलाई युरोपेली संघबाट अलग गर्ने प्रक्रिया थियो ।
२०१९ को आम चुनावमा पार्टीको ठूलो पराजयपछि सर कियर स्टारमर लेबर नेताको पदमा चुनाव लडे र २०२० मा पार्टीको नेता बने । आफ्नो विजयी भाषणमा उनले लेबरलाई ‘आत्मविश्वास र आशाका साथ नयाँ युगमा लैजाने’ बताएका थिए ।
उनले एनएचएस, यूके स्वास्थ्य सेवामा बिरामीहरूको लागि प्रतीक्षा सूची घटाउने,एनएचएसले हरेक हप्ता ४० हजार भन्दा बढी स्वास्थ्यकर्मी भर्ना गर्ने जस्ता बाचा गरेका छन् । उनले यसको आर्थिक भारलाई कर छली रोकेर पुरा गर्ने बताएका छन् ।
त्यस्तै उनले साना र खतरनाक डुङ्गाबाट मानव बेचबिखन रोक्न सीमा सुरक्षा कमाण्ड सञ्चालन गरिने, १५ लाख नयाँ घरहरू निर्माण गर्ने र पहिलो पटक घर खरीददारहरूलाई ‘पहिलो-अधिकार’ दिनको लागि योजना सुरु गर्ने जस्ता चुनावी बाचा गरेका छन् ।
त्यस्तै उनले ६५ सय नयाँ शिक्षक भर्ना गरे र यसको खर्च निजी क्षेत्रका स्कुललाई दिएको कर छुट रोकेर पुरा गर्ने योजना उनले बनाएका छन् ।
सन् २०२३ देखि सञ्चालित सबै मतपरिणाममा लेबर पार्टी कन्जरभेटिभभन्दा २० प्रतिशत अगाडि देखिएको थियो ।
कियरको नेतृत्वको प्रारम्भिक वर्षहरूमा, उनले पार्टीको लोकप्रियता बढाउन धेरै कठिनाइहरूको सामना गरे । २०२१ को उपनिर्वाचनमा लेबरको पराजयपछि उनको ध्यान रेड वाललाई जित्नेतर्फ थियो । रेड वाल भनेको उत्तरी इङ्गल्याण्ड र मिडल्याण्डका ती सिटहरू हुन् जुन विगतमा लेबर सीटहरू थिए ।
तर २०१९ को चुनावमा कन्जरभेटिभ पार्टीले जितेको थियो । कियर स्टारमरले पार्टीको नीतिहरूमा पुनर्विचार गरे र विश्वविद्यालयको शिक्षण शुल्क हटाउने र पानी र बिजुली कम्पनीहरूलाई राष्ट्रियकरण गर्ने वाचा त्याग्नुपरेको थियो ।
