नाडा अटो शो २०८१ मा सी.जी. मोटर्सलाई २७ वटा बुकिङ्ग प्राप्त

काठमाडौं । नाडा अटो शो २०८१ को पहिलो दिन भव्य रुपमा सफल भएको बताइएको छ। सी.जी. मोटर्सको सहभागीता रहेको नाडा अटो शो मा विभिन्न ब्राण्ड गरी ८ वटा स्टल प्रदर्शनमा राखिएको छ। उक्त शो को पहिलो दिनमा नै सी.जी. मोटर्सले २७ वटा बुकिङ्ग प्राप्त गर्न सफल भएको छ। सी.जी. मोटर्सले नेपाली बजारमा नाडा अटो शो मार्फत नै सार्वजनीक गरेको अवतार ११ को ३ वटा बुकिङ्ग पहिलो दिनमा नै भएको छ र आगामी दिनहरुमा पनि राम्रो बुकिङ्ग आउने कम्पनीको अनुमान रहेको छ ।

त्यसैगरी नाडा मार्फत नै सार्वजनिक गरिएको रिडारा आरडी ६ को ५ वटा बुकिङ्ग प्राप्त गर्न कम्पनी सफल रहेको छ र यो सँगै नाडा मार्फत नै सार्वजनिक गरिएको एक्सपेङको ६ वटा बुकिङ्ग प्राप्त भएको कम्पनीले जनाएको छ। नेपाली बजारमा लोकप्रिय रहेको  नेटा भी को पनि ६ वटा बुकिङ्ग प्राप्त भएको छ भने नाडामा नै सार्वजनिक गरिएको नेटा एक्स  मोडलको पहिलो दिनमा ७ वटा बुकिङ्ग प्राप्त गर्न कम्पनी सफल रहेको बताइएको छ। यसरी पहिलो दिनमा २७ वटा बुकिङ्ग प्राप्त गर्न सफल रहेको सी.जी. मोटर्सले नाडा अटो शो को अन्त्यसम्ममा आफ्ना विभिन्न ८ वटा ब्राण्डहरु मार्फत २०० वटाभन्दा धेरै बुकिङ्ग हासिल गर्ने कम्पनीको अनुमान रहेको छ।

अवतार विश्वप्रसिद्ध सवारी साधन उत्पादक कम्पनी च्याङगेङ, टेक्नोलोजीमा अग्रणी कम्पनी हुवाई र उत्कृष्ट ब्याट्री उत्पादक कम्पनी सीएटीएलको साझेदारीमा उत्पादन भएको ब्राण्ड हो। अवतार ११ प्रिमियम सेग्मेन्टमा पर्ने लक्जरीयस र फ्युचुरीस्टिक एस.यु.भि. हो भने उक्त गाडी एक फुल चार्जमा ६८० किलोमिटरसम कुद्न सक्ने क्षमता राख्नुका साथै अवतार ११ मा  १९० किलोवाटको मोटर जडित छ भने ९० किलोवाट घण्टा र ११६ किलोवाटको ब्याट्री गरी नेपाली बजारमा २ भेरियन्टमा उपलब्ध हुनेछ। इच्छुक ग्राहकहरुले‌ नाडा अटो शो को स्टल नम्बर  एच १३ मार्फत थप जानकारी पाउन सक्नेछन् ।

नाडा अटो शो को स्टल नम्बर जी १२ मा रहेको एक्सपेङको जी ६ मोडल प्रिमियम सेग्मेन्टमा पर्छ भने उक्त गाडीले एक फुल चार्जमा ४३५ किलोमिटरको रेञ्ज प्रदान गर्ने कम्पनीको दावी रहेको छ। १९० किलोवाटको मोटर र ६६ किलोवाटको ब्याट्री रहेको एक्सपेङ जी६ ले २१५ किलोवाटसम्मको  डि.सि. फास्ट चार्ज सपोर्ट गर्छ भने १०% बाट ८०% सम्म चार्ज गर्न मात्रै २० मिनेट लाग्नेछ।

त्यसैगरी नाडा अटो शो को स्टल नम्बर ए ९ मा रहेको रिडाराले नेपाली बजारमा रिडारा आरडी ६ सार्वजनिक गरेको छ ।  ६३ किलोवाटको ब्याट्री र २०० किलोवाटकोपिक मोटर पावर रहेको रिडारा आरडी ६ ले ३७७ किलोमिटरको रेञ्ज प्रदान गर्ने कम्पनीको दावी रहेको छ।

नेटाले  नयाँ मोडल,  नेटा एक्स स्टल नम्बर ए ३ मा रहेको छ र ग्राहकहरुले उक्त स्टलबाट नेटा एक्सको अनुभव लिन सक्नेछन्। कम्पनीले दाबी गरेको ५०० किलोमिटरको रेञ्ज सहित नेटा एक्समा ८ वर्ष वा १८०००० किलोमिटरसम्मको ब्याट्री र मोटर वारेन्टी पाउन सकिने छ। सीएटीएलको ब्याट्री जडित नेटा एक्सलाई फुल चार्ज गर्न ९ घण्टा लाग्दछ भने फास्ट चार्ज मार्फत उक्त गाडीलाई ३० मिनेटमै चार्ज गर्न सकिने कम्पनीले बताएको छ।