काठमाडौं । आकर्षक रोजगारीको प्रलोभनमा परी ओमान पुगेका २४ नेपाली युवा अलपत्र परेका छन् । विगत चार महिनाअघि ओमान पुगेका उनीहरूले सम्झौता अनुसारको कम्पनी नभेटिएको बताएका छन् ।

अल कौसर ह्युमन रिसोर्स प्रा।लि।का सञ्चालक अबुदल्ला ए टाक्सन र काजी मियाबाट १५० ओमानी रियल ९करिब ५० हजार नेपाली रुपैयाँ० मासिक तलब दिने आश्वासन पाएर प्रति व्यक्ति १ लाख ५५ हजार हजारसम्म बुझाएर ओमान आएको उनीहरूले बताएका छन् ।

राम्रो कमाई हुने भन्दै ओमानको अल नसीम इन्जिनियरिङ् सर्विसेस कम्पनीको बिल्डिंग कन्ट्क्शनको कामका लागि भनेर पठाए पनि यहाँ आउँदा कम्पनी नै नभेटिएपछि एक सप्लाई कम्पनीमा काम गर्न थालेको र तीन महिना काम गरेपछि एक महिनाको तलब मात्रै पाएको उनीहरूले बताएका छन् ।

ओमानस्थित नेपाली दूतावासलाई समस्या बारे जानकारी गराए पछि दूतावासले कम्पनीलाई आफूहरूको समस्या समाधान गर्न एक हप्ताको समय दिएको भए पनि दुई हप्ता बितिसक्दा पनि कुनै सुनुवाइ नभएको पीडितहरूले बताएका छन् ।

आफूहरूलाई सकुशल उद्धार गरी स्वदेश फर्कने वातावरण मिलाइदिन र म्यानपावरका सञ्चालकलाई कारबाही गरी क्षतिपूर्ति दिलाइदिन उनीहरूले नेपाल सरकार, श्रम मन्त्रालय, वैदेशिक रोजगार विभाग लगायत सम्बन्धित निकायलाई आग्रह गरेका छन् ।