कञ्चनपुर । भिमदत्त नगरपालिका-१५ गबरैया राधाकृष्ण टोलबाट भरूवा बन्दुक १ थान शुक्रबार बिहान प्रहरीले बरामद गरेको नेपाल प्रहरीले बताएको छ । प्रहरीका अनुसार सोही ठाउँस्थित फोहरको नाला खन्ने क्रममा उक्त बन्दुक फेला परेको भन्ने खबर प्राप्त हुनासाथ जिल्ला प्रहरी कार्यालय कञ्चनपुरबाट खटिएको प्रहरीले उक्त बन्दुक बरामद गरेको छ । यस सम्बन्धमा प्रहरीले थप अनुसन्धान गरिरहेको बताइएको छ ।