ज्ञान, बुद्धि र अध्यात्मको उत्तरदायी ग्रह देवगुरु बृहस्पति १२ वर्षपछि मे १ बाट आफ्नो शत्रु राशिमा प्रवेश गरेको छ । ज्योतिषका अनुसार बृहस्पतिले दिउँसो १ बजेर १७ मिनेटमा मेष राशिबाट वृष राशिमा प्रवेश गरेको हो ।
बृहस्पति यहाँ करिब १२ महिना रहनेछ । त्यसपछि मे १४ २०२५ मा, यो मिथुन राशिमा प्रवेश गर्नेछ। यसैबीच मे ९ गते बृहस्पति ग्रह अस्ताउनेछ । यसका कारण शुभ कार्यहरू बन्द रहनेछन्, यसले धेरै राशिहरूमा विशेष प्रभाव पार्नेछ।
अर्कोतर्फ, बृहस्पति अक्टोबर ९ देखि फेब्रुअरी ४, २०२५ सम्म उल्टो चालमा हुनेछ। वैदिक ज्योतिषमा बृहस्पतिलाई शुभ ग्रह मानिन्छ। यस अनुसार बृहस्पति सबै २७ नक्षत्रमध्ये पुनर्वासु, विशाखा र पूर्वभाद्रपद नक्षत्रको स्वामी भएकाले जसको कुण्डलीमा बृहस्पति बलियो हुन्छ, उनीहरुको जीवनमा सुखी रहन्छ र सफलता प्राप्त हुन्छ ।
● मेष राशि: परिवारबाट आर्थिक लाभ, माया, स्नेह र मनोबल मिल्नेछ। बुद्धिको माध्यमबाट आर्थिक लाभ बढ्नेछ र धन जम्मा गर्ने प्रवृत्ति बढ्नेछ।
● वृष राशि: स्वास्थ्यमा सुधार आउँदा शारीरिक तथा मानसिक पीडा हट्नेछ। मनोबल बढ्नेछ र धार्मिक कार्यमा रुचि बढ्नेछ।
● मिथुन राशि: धनको बर्बादी हुनेछ। व्यापार र पैसा खर्चमा सावधान रहनुहोस्। कुनै पनि ठूलो विवाद र खर्चबाट टाढा रहनुहोस्। असल मान्छे संग रहनुहोस्।
● कर्कट राशि: आम्दानीका श्रोतहरु बढ्नेछन्। नयाँ कामको थालनी हुने सम्भावना छ । व्यापार तथा जागिरमा सफलताको पूर्ण सम्भावना रहनेछ ।
● सिंह राशि: इच्छित स्थानमा स्थानान्तरण र नियुक्ति भएपछि मन प्रसन्न रहनेछ। व्यापार व्यवसायमा प्रगति हुनेछ । साथै, कार्यक्षेत्रमा आमूल परिवर्तनको सम्भावना रहनेछ।
● कन्या राशि: भाग्यबाट शुभ अवसर मिल्नेछ। धर्मप्रति रुची बढ्नेछ । घरमा शुभ तथा धार्मिक चाडपर्वहरु मनाइनेछ ।
● तुला राशि: स्वास्थ्य कमजोर रहनेछ। मानसिक तनाव र असफलताका कारण मनोबल कमजोर रहनेछ। व्यापार व्यावसायबाट लाभको सट्टा खर्च बढ्नेछ ।
● वृश्चिक राशि: यस राशिका व्यक्तिहरूलाई बृहस्पतिको आशीर्वादबाट धेरै लाभ मिल्नेछ। संयुक्त व्यापारबाट आर्थिक लाभ र दाम्पत्य सुख मिल्नेछ।
● धनु राशि: बृहस्पतिको छैटौं घरबाट गोचरले रोग र गोप्य शत्रुहरूबाट सावधानी अपनाउने सङ्केत गर्छ। यस समयमा ऋण लिनबाट बच्नुहोस्। मातृपक्षबाट समस्या आउने संकेत देखिन्छ।
● मकर राशि: ज्ञानबाट कीर्ति प्राप्त हुनेछ। आफ्नो दिनचर्या व्यवस्थित गर्नाले विद्यार्थीहरूले रोजगारीको अवसर प्राप्त गर्ने प्रबल सम्भावना हुनेछ। घरपरिवारको सहयोगले मनोबल बढ्नेछ।
● कुम्भ राशि: चौथो बृहस्पतिले यस राशिका व्यक्तिहरूलाई अशुभ प्रदान गर्ने छ। त्यसैले सवारी चलाउँदा सावधानी अपनाउनुपर्छ । पारिवारिक विवादबाट टाढा रहनुहोस् र आमाको स्वास्थ्यको पूर्ण ख्याल राख्नुहोस्।
● मीन राशि: यस राशिका व्यक्तिको बहादुरीमा अत्याधिक वृद्धि हुनेछ। दाजुभाइ तथा विश्वासयोग्य व्यक्तिको सहयोगले उन्नति र खुसी बढ्नेछ। काममा आउने बाधा स्वतः हट्नेछ ।
