सूर्यको यति नजिक पुग्दा पनि कसरी बाँच्यो नासाको यो अन्तरिक्ष यान ?

काठमाडौँ । अमेरिकी अन्तरिक्ष एजेन्सी नासाको एउटा अन्तरिक्ष यानले सूर्यको एकदमै नजिक पुगेर पनि सामान्य काम गरेर इतिहास रचेको छ । यसअघि कुनै पनि अन्तरिक्ष यान सूर्यको यति नजिक गएको थिएन।

नासाका वैज्ञानिकहरूले अत्यधिक तातो वातावरणमा धेरै दिन उडान गरेपछि यसको सञ्चार सम्पर्क टुटेको संकेत पाएको बताएका छन् । नासाले यो अन्तरिक्ष यान सुरक्षित रहेको र सूर्यको सतहबाट ६१ लाख किलोमिटर टाढा गए पनि सामान्य रूपमा काम गरिरहेको जनाएको छ ।

पार्कर सोलार प्रोब सन् २०१८ मा सौर्यमण्डलको केन्द्रतर्फ पठाइएको थियो।

वैज्ञानिकहरूका अनुसार “ यो प्रोब क्रिसमसको एक दिन अघि सूर्यको बाहिरी वायुमण्डलमा प्रवेश गरेको थियो तर अत्यधिक उच्च तापक्रम र विकिरणसँग लड्दा पनि यो जीवित रहन सफल भयो। अन्तरिक्ष यानको यो उडानले सूर्यले कसरी काम गर्छ भन्ने हाम्रो बुझाइलाई अझ बढाउँछ।”