पुटिनसँगको वार्तापछि ट्रम्प भन्छन् सम्झौता हासिल भएन

काठमाडौं। अमेरिकी राष्ट्रपति डोनाल्ड ट्रम्प र रूसी राष्ट्रपति भ्लादिमिर पुटिनबीचको भेटवार्तामा रसिया–युक्रेन युद्ध अन्त्यबारे कुनै सम्झौता हुन सकेन । दुई राष्ट्रपतिबीच अपेक्षा गरिएको भन्दा छोटो समयमा नै भेटवार्ता सकिएको थियो ।

अमेरिकाको अलास्काको एंकरेजमा भएको भेटवार्तामा रूसी राष्ट्रपति पुटिनलाई अमेरिकाको न्यानो स्वागत थियो । रेड कार्पेट बिछ्याईएको थियो । ट्रम्प आँफै स्वागतको लागि बसेका थिए । दुई राष्ट्रपतिबीचको भेटवार्ता सकारात्मक रहेको बताईएको छ ।

दुवै पक्षले भेटवार्तामा आशातित प्रगति भएको दाबी गरेका छन् । ट्रम्पले आफ्नो रूसी समकक्षी पुटिनसँग फलदायी वार्ता भएको र धेरै कुरामा सहमति भएको खुलाएका छन् । पुनिटसँगको भेटवार्ताबारे आफूले नेटो, युक्रेनी राष्ट्रपति भ्लोदोमिर जेलेन्स्कीलाई पनि जानकारी गराउने संयुक्त पत्रकार सम्मेलनमा ट्रम्पले जानकारी गराएका छन् ।

प्रेस मिटको क्रममा ट्रम्पले पुटिनसँग पूनः चाँडै भेट्ने वाचा गरेका थिए । लगत्तै पुटिनले अर्को भेटवार्ता अब मस्कोमा हुने बताएका थिए ।