भारतमा कोरोनाबाट एकै दिनमा ८८० जनाको मृत्यु

पछिल्लो २४ घण्टामा ८ सय ८० जनाको भारतमा कोरोनाबाट  मृत्यु भएको छ। १ लाख ६० हजार कोरोना संक्रमित थपिएका छन् । केही दिनयता निरन्तर संक्रमित बढ्दै आएको भारतमा कुल संक्रमितको संख्या १ करोड ३६ लाख ८६ हजार पुगेको छ। यस्तै‚ त्यहाँ पछिल्लो २४ घण्टामा ८ सय ८० जनाको मृत्यु भएको छ। पछिल्लो २४ घण्टामा थपिएकासहित भारतमा कोरोनाबाट मृत्यु हुनेको कुल संख्या १ लाख ७१ हजार पुगेको छ।

टर्कीमा पछिल्लो २४ घण्टामा ५४ हजार ५ सय कोरोना संक्रमित थपिएका छन्। यस्तै‚ अमेरिकामा ५१ हजार ५ सय, ब्रजिलमा ३८ हजार ६ सय, इरानमा २३ हजार र अर्जेन्टिनामा १९ हजार ४ सय संक्रमित थपिएको छ।

कोरोना संक्रमणबाट पछिल्लो २४ घण्टामा ब्रजिलमा १ हजार ७ सय ३८, अमेरिकामा ४ सय ५०, फ्रान्समा ३ सय ८५ र इटलीमा ३ सय ५८ सहित विश्वभर साढे ८ हजारभन्दा बढीको मृत्यु भएको छ।

विश्वभर हालसम्म १३ करोड ७२ लाख मानिसमा कोरोना संक्रमण पुष्टि हुँदा २९ लाख ५८ हजार मानिसको मृत्यु भएको छ। ११ करोड ४ लाख मानिस संक्रमणमुक्त भएका छन्।