एजेन्सी । पश्चिम बङ्गालको कुचबिहारमा पिकअप भ्यानमा करेन्ट लागेर १० जनाको मृत्यु भएको छ भने १६ जना गम्भिर घाइते भएका छन् । घाइते सबै जलपाईगुडी अस्पतालमा उपचारत छन् ।
पिकअपमा बसेर २७ जना कन्वरीया जल्पेशको शिव मन्दिरमा जल चढाउन गइरहेका थिए । मेखलीगञ्ज प्रहरी चौकी इलाकाको धरला पुलमा राति अबेर राति दुर्घटना भएको हो । पिकअपको पछाडि डीजे बजिरहेको बताइएको छ । जेनेरेटरको तारमा सर्ट भएर करेन्ट पिकअपमा पुग्यो ।
पिकअपमा चालकसहित २७ जना थिए । भारतीय समाचार एजेन्सी दैनिक भाष्करले पिकअपमा करेन्ट आएपछि चालक फरार भएको जनाएको छ । सिताकुची प्रहरीले पिकअपलाई नियन्त्रणमा लिएको छ । घाइते कन्वरियाको अवस्था सामान्य रहेको बताइएको छ । एजेन्सीको अनुसार आइतबार राति करिब १२ बजे दुर्घटना भएको हो ।
दुर्घटनामा घाइते भएका कन्वारियाहरूलाई पहिले नजिकैको चङ्गारबन्ध अस्पतालमा लगिएको थियो । जहाँबाट १६ जनाको अवस्था गम्भीर हुँदा जलपाईगुडीको अस्पतालमा रिफर गरिएको थियो । उनीहरु सबै सितलकुची प्रहरी चौकी इलाकाका बासिन्दा हुन् । प्रहरीले दुर्घटनाको खास कारण खुलाउन चालकको खोजी भइरहेको जनाएको छ ।
