काठमाडौँ । भर्खरै नेपालमा अल्ट्राभायोलेट बाइकको आधिकारिक वितरक केडिया इन्टरनेशनल प्राईभेट लिमिटेडले अल्ट्राभायोलेट एफ ७७ म्याच २ सार्वजनिक गरेको छ। यस बाईक ७ ओटा कलर निलो, चाँदी, सेतो, रातो, पहेँलो, खैरो र कालो मा उपलब्ध रहेको बताईएको छ ।

यस बाईकमा मोटर ३० किलोवाटको पर्मानेन्ट म्याग्नेट रहेको छ भने ब्याट्रि १०.३ किलोवाट आवर र यस ब्याट्रि टाईप लि–आयोन रहेको छ । ४०.७ पिएसको पिक पावर रहेको र पिक टर्क १०० एनएम रहेको यस अल्ट्राभायोलेट एफ ७७ म्याच २ बाईकको रेन्ज ३२३ किलोमिटरमा (आई.डि.सि ) उपलब्ध छ । कम्पनिले यस बाईकको मुल्य भने ९ लाख ९९ हजार तोकेको कम्पनिले बताएको छ । यस बाईकलाई २० देखि ८० प्रतिशत चार्ज हुन ५ घण्टा लाग्ने साथै बाईको टप स्पिड प्रति घण्टा १५५ किलोमिटर रहेको पनि जनाईएको छ । बाईकको टायरको कुरा गर्दा अगाडि ११०/७० आर १७ र पछाडि १५०/६० आर १७ को टायर रहको छ ।

८०० एमएमको सिट हाईट रहेको यस बाईकको ग्राउन्ड क्लियरेन्स १६० एमएम रहेको छ साथै बाईकको सेफ्टि फिचरको कुरा गर्दा यसमा डुअल च्यानल एबीएस, ट्र्याक्सन कन्ट्रोल, एन्टि कोलिसन वारनिङ, टीपीएमएस, हिल होल्ड रहेको छ । यस अल्ट्राभायोलेट एफ ७७ म्याच २ बाईकको तौल २०७ केजि रहेको कम्पनिले जनाएको छ ।