काठमाडौं । महिला युरो कप २०२२ को क्वार्टरफाइनलका खेलहरु बुधबार रातिदेखि सुरु हुँदै छ।

युरो कपको पहिलो क्वार्टरफाइनलमा आज मध्यराति इल्याण्ड र स्पेन भिड्दै छन् । घरेलु टोली इल्याण्डसमुह ए को विजेताको रुपमा क्वार्टरफाइनल खेल्न लागेको हो । उपाधि जित्ने लक्ष्यमा रहेको घरेलु टोली अपराजित रहेर अन्तिम ८ मा स्थान पक्का गरेको हो ।

स्पेन समूह बी को उपविजेता बन्दै इल्याण्डसँगको भेट पक्का गरेको हो । स्पेनले समूह चरणका ३ खेलमध्ये २ मा जित र एक खेलमा हार भोगेको थियो । समूह ए बाट इल्याण्ड सबैभन्दा पहिला क्वार्टरफाइनलमा पुग्ने टोली हो । नर्वेलाई ८–० को फराकिलो अन्तरले पाखा लगाउँदै इंग्ल्याण्ड अन्तिम ८ मा पुगेको हो ।

समुह ए बाट इंग्ल्याण्ड र अष्ट्रिया क्वार्टरफाइनलमा पुगेका हुन् । समूह बी बाट जर्मनी र स्पेन, समुह सी बाट स्वीडेन र नेदरल्याण्ड तथा समुह डी बाट फ्रान्स र बेल्जियमले अन्तिम ८ मा स्थान पक्का गरेका हुन् । दोस्रो क्वार्टरफाइनल खेलमा स्वीडेन र बेल्जियम खेल्नेछन् । तेस्रो क्वार्टरफाइनलमा जर्मनी र अष्ट्रिया भिड्दा अन्तिम खेलमा फ्रान्स र नेदरल्याण्ड खेल्ने तालिका छ ।

यसअघि २०१७ मा भएको महिला युरोकपमा नेदरल्याण्ड्स च्याम्पियन बनेको थियो । नेदरलयाण्डले डेनमार्कलाई पराजित गर्दै उपाधि उचालेको थियो । नेदरल्याण्डकी फरवार्ड लाइके मार्टेन्सले खुट्टाको चोटका कारण सेमिफाइनल खेल गुमाउनेछिन् । स्वीटजरल्याण्डसँगको खेलका क्रममा लाइकेले चोट बोक्न पुगेकी थिइन् ।