काठमाडौँ । माघ महिनाका लागि वाणिज्य बैंकहरुले नयाँ ब्याजदर सार्वजनिक गरेका छन् । आज सार्वजनिक ब्याजदरमा अधिकांशले पुस महिनाकै ब्याजदरलाई निरन्तरता दिएका हुन् ।
माघ महिनाका लागि एक बैंकले ब्याजदर बढाउँदा दुई बैंकले घटाएका छन् । माघ १ गतेदेखि लागु हुने उक्त ब्याजदरमा १७ वाणिज्य बैकहरुले पुस महिनाकै ब्याजदरलाई निरन्तरता दिएका छन् । नेपालमा हाल २० वटा वाणिज्य बैंकहरु सञ्चालनमा छन् ।
कुन बैंकको ब्याजदर कति ?
कृषि विकास बैंकले माघ महिनाका लागि व्यक्तिगत मुद्दती निक्षेपको ब्याजदर घटाएको छ । पुस महिनाका लागि व्यक्तिगत मुद्दतीतर्फ ५.५७ प्रतिशत तोकेको यस बैंकले माघ महिनाका लागि ५.५१ प्रतिशत ब्याजदर तोकेको छ । संस्थागततर्फ भने पुस महिनाकै ब्याजदरलाई निरन्तरता दिएको छ ।
यसैगरी, नेपाल एसबीआई बैंकले पनि माघ महिनाका लागि ब्याजदर घटाएको छ । बैंकले माघका लागि व्यक्तिगत तर्फ ५.५ प्रतिशत तोकेको छ । पुसमा यस बैंकले व्यक्तिगततर्फ ६ प्रतिशत तोकेको थियो । संस्थागततर्फ पुस महिनामा ५ प्रतिशत तोकेको बैंकले माघ महिनाका लागि ४.५ प्रतिशत ब्याजदर तोकेको छ ।
लक्ष्मी सनराइज बैंकले भने माघका महिनाका लागि व्यक्तिगततर्फ ब्याजदर बढाएको छ । पुसमा ५.५ प्रतिशत रहेको ब्याजदर माघमा बढाएर ५.७५ प्रतिशत पुर्याएको छ । संस्थागततर्फ भने पुस महिनाकै व्याजदरलाई निरन्तरता दिएको छ । पुस महिनामा यस बैंकको संस्थागततर्फको ब्याजदर ४.५ प्रतिशत थियो ।
अत्य १७ वटा वाणिज्य बैंकहरुले भने पुस महिनाकै ब्याजदरलाई निरन्तरता दिएका छन् । जसमा, ग्लोबल आईएमई बैंकले व्यक्तिगततर्फ ५.७५ र संस्थागततर्फ ५.२५ प्रतिशत ब्याजदर तोकेको छ ।
नबिल बैंकले पनि पुस महिनाकै ब्याजदरलाई निरन्तरता दिएको छ । यस बैंकले माघ महिनाका लागि व्यक्तिगततर्फ ५.७५ र संस्थागततर्फ ४.२५ प्रतिशत ब्याजदर तोकेको छ । एनआईसी एशिया बैंक व्यक्तिगततर्फ ६.६ प्रतिशत र संस्थागततर्फ ५.६ प्रतिशत ब्याजदर तोकेको छ ।
एभरेष्ट बैंकले माघ महिनाका लागि व्यक्तिगततर्फ ६ प्रतिशत र संस्थागततर्फ ५ प्रतिशत ब्याजदर तोकेको छ । सिटिजन्स बैंकले व्यक्तिगत मुद्दती निक्षेपतर्फ ५.६५ प्रतिशत र संस्थागततर्फ ४.५ प्रतिशत तोकेको छ । संस्थागततर्फ पुस महिनामा ४ प्रतिशत रहेको ब्याजदर माघमा बढाइरु ४.५ प्रतिशत पुर्याएको हो । हिमालयन बैंकले ६.२५ प्रतिशत र संस्थागततर्फ ५.२५ प्रतिशत ब्याजदर तोकेको छ ।
माछापुच्छ्रे बैंकले माघका लागि व्यक्तिगततर्फ ६ र संस्थागततर्फ ४ प्रतिशत ब्याजदर तोकेको छ । नेपाल इन्भेष्टमेन्ट मेगा बैंकले व्यक्तिगततर्फ ६.५ प्रतिशत र संस्थागततर्फ ५.१ प्रतिशत ब्याजदर तोकेको छ । नेपाल बैंकले माघका लागि व्यक्तिगततर्फ ५.६ प्रतिशत तोकेको छ भने संस्थगततर्फ ४.१५ प्रतिशत तोकेको छ । यस बैंकले संस्थातगतर्फ पुसमा ४.७ प्रतिशत ब्याजदर तोकेको थियो ।
राष्ट्रिय वाणिज्य बैंकले माघका लागि व्यक्तिगततर्फ ६ र संस्थागततर्फ ३.५ प्रतिशत ब्याजदर तोकेको छ । प्राइम कमर्सियल बैंकले व्यक्तिगततर्फ ६.२५ प्रतिशत र संस्थागततर्फ ४ प्रतिशत ब्याजदर निर्धारण गरेको छ ।
कुमारी बैंकले व्यक्तिगततर्फ ५.९१ प्रतिशत र संस्थागततर्फ ४.९१ प्रतिशत ब्याजदर तोकेको छ । स्ट्याण्डर्ड चार्टर्ड बैंकले व्यक्तिगततर्फ ६.२५ प्रतिशत र संस्थागततर्फ ३.२५ ब्याजदर निर्धारण गरेको छ । यसैगरी, प्रभु बैंकले माघका लागि व्यक्तिगततर्फ ६.१ र संस्थागततर्फ ५.१ प्रतिशत ब्याजदर तोकेको छ ।
एनएमबि बैंकले माघका लागि व्यक्तिगततर्फ ६.६ प्रतिशत र संस्थागततर्फ ५.६ प्रतिशत ब्याजदर तोकेको छ । सिद्धार्थ बैंकले माघका लागि पुसकै ब्याजदरलाई निरन्तता दिँदै व्यक्तिगततर्फ ६ प्रतिशत र संस्थागततर्फ ५ प्रतिशत ब्याजदर तोकेको छ । सानिमा बैंकले व्यक्तिगततर्फ ६.५ प्रतिशत र संस्थागततर्फ ४.३ प्रतिशत ब्याजदर निर्धारण गरेको छ ।
