अख्तियारमा बयान दिन जान लागेका उपसचिव उत्तम सञ्जेलले पूर्वग्राही ढंगले अख्तियारले आफूलाई फसाउन खोजेको आरो लगाएका छन् । दुई बर्ष अगाडि नै महालेखाले टुंग्याइसकेको बिषयलाई निकालेर अहिले अख्तियारले उनलाई पत्र काटेको छ ।
भ्रष्टाचार र घुसखोरीविरुद्ध बोल्दै आएका उपसचिव प्रेम सञ्जेललाई अख्तियारले पत्र काटेको हो । सरकारी कार्यालयमा हुने भ्रष्टाचार र दलालीविरुद्ध कडा रुपमा प्रस्तुत भएर चर्चामा आएका उपसचिव प्रेम सञ्जेलले कार्यालयमा उपस्थित नभएरै एक महिनाको खाना, खाजा र प्रोत्साहन भत्ता लिएको आरोप लगाउदै उनलाई ३ दिनभित्र आयोगको सम्पत्ति अनुसन्धान तथा मूल्यांकन महाशाखामा उपस्थित हुन मंगलवार पत्र काटिएसँगै हलचल मच्चिएको छ ।
सञ्जेलले निर्वाचन आयोग, क्षेत्रिय कार्यालय विराटनगरमा रहँदा काम नगरी एक महिनाको तलब भत्ता लिएको उजुरी परेपछि अख्तियारले सञ्जेलको नाममा पत्र कोटेको हो । अख्तियारले २०७३ साल फागुन १७ देखि चैत २३ गतेसम्म कार्यालयमा हाजिर नभई खाना, खाजा र प्रोत्साहन भत्ता लिएर भ्रष्टाचार गरेको उजुरी आएको भन्दै पत्र काटेको हो। सञ्जेललाई अख्तियारले २ वर्ष पुरानो विषयमा भ्रष्टाचारको आरोपमा पत्र काटिनुलाई अख्तियारकै अधिकारीहरु आश्चर्य चकित बनेका छन् ।
लेखापरीक्षणबाट टुंगिसकेको विषयलाई आधार बनाएर अख्तियार दुरुपयोग अनुसन्धान आयोगले पत्र काटेको छ । अख्तियारकै अधिकारीहरु यो प्रवृत्तिलाई व्यक्तिमाथि आतंक सृजना गर्न खोजेको हो ।
अख्तियारले लोकमानकै शैलीमा काम गर्न खोजेको हो कि भन्ने देखिँदै छ ।’
यता उपसचिव सञ्जेलले आफू छाती ठूलो बनाएर अख्तियारमा बयान दिन जाने बताए । सञ्जेलका अनुसार उनी आजै बयानका लागि अख्तियार जाँदैछन् । ‘मैले सर्वोच्च अदालतको आदेश अनुसार सो अवधिको तलब भत्ता बुझेको हुँ ।’सञ्जेलले आफू भ्रष्टाचारी भएको ठहर भए टुँडिखेलमा झुण्ड्याएर मारे हुन्छ भन्दै चुनौति दिए । कोही कसैले उजुरी हाल्दैमा आफू नडराउने उनको भनाइ थियो ।
