दिपक गौतम, ललितपुर संखु
ललितपुर स्थित कोन्ज्योसम गाउपलिकाको संखु मा ” संखु भैसी फार्म ” खोलेर ब्यबसायिक भैसी पालनमा लागेका सरोज घिमिरेले राम्रो आम्दानी गर्दै आएका छन । २०७५ भदौ बाट सुरुवात गरिएको फार्ममा परिवारका ५ जना सदस्यहरु आफै खट्ने गरेका छन । उनि हरुले भैसी पालनका लागि २५ रोपनी जग्गा लिएका छन भने आधुनिक गोठ फल्सिंग राखेर १८ लाख भन्दा माथिको लगानीमा निर्माण गरेको बताएका छन।
एउटा भैसी लाइ १ लाख देखि १ लाख ४० हजार सम्म पर्ने बताएका छन सुरुवाती अवस्थामा ४ वटा भैसी बाट सुरुवात गरिएको सो ब्यबसायमा अहिले १७ वटा भैसी पालिएको छ भने गोठको क्ष्यमता २० वटाको भएपनि यसलाई अझै बढाएर ३० वटा सम्म भैसी पालन गर्ने योजनामा रहेको घिमिरेले बताएका छन ।
अहिले करिब ७० देखि ८० लिटर दुध उत्पादन हुने बाताइएको छ यस ब्यबसायको उन्नतीको लागि वडा कार्यलय तथा गाउपलिका बाट सहयोग अपेक्षा गरिएको ब्यबशायीले बताएका छन् २० वटा भैसी पालन गर्न आफ्नै २५ रोपनी जग्गा पर्याप्त हुने तथा घास पात किन्न नपर्ने साथै मकै धेरै मात्रामा उत्पादन हुने हुदा मकैको पिठो भैसीको लागि बिशेष दिने गरिएको बताइएको छ । बारी बाट २० देखि २५ मुरी तोरी साथै ७० देखि ८० मुरी मकै उत्पादन हुने घिमिरेले बताएका छन ।
सरकारले युवालाई स्वदेशमै कृषि ब्यबसायमा उन्मुख गरेर स्वोबलम्न बनाउदै बैदेशिक रोजगारी घटाउने नीति अनुरुप स्वदेशमै कृषि ब्यबसाय बाट राम्रो आम्दानी गर्न सकिन्छ भन्ने गतिलो उदाहरण घिमिरे परिवारले दिएको पाइन्छ ।
