झापामा एम्बुलेन्सको ठक्करबाट स्कुटर चालकको मृत्यु
काठमाडौं । झापाको कन्काई नगरपालिका वडा नम्बर–३ स्थित सुरुङ्गा–कुमरखोद सडकखण्डमा एम्बुलेन्सको ठक्करबाट स्कुटर चालकको मृत्यु भएको छ ।
जिल्ला प्रहरी कार्यालय झापाका प्रहरी नायब उपरिक्षक बसन्त पाठकले आइतबार दिउँसो मे १ च १६५४ नं. को एम्बुलेन्सले प्र १–०१–०१५ प २१४८ नं.को स्कुटीलाई ठक्कर दिँदा स्कुटीमा सवार झापा गाउपालिका–६ बस्ने २३ वर्षीय राजेश कार्कीको मृत्यु भएको जानकारी दिए ।
डीएसपी पाठकका अनुसार नोबेल अस्पताल बिराटनगर लगिएकोमा उपचारको क्रममा मृत्यु हो । एम्बुलेन्स र एम्बुलेन्स चालक बिर्तामोड नगरपालिका–१० बस्ने ४६ वर्षीय चन्द्र बहादुर बि.क.लाई नियन्त्रणमा लिइ प्रहरीले थप अनुसन्धान गरिरहेको छ ।
