शनिबार रातीको भूकम्पले बझाङका १०० घरमा क्षति

काठमाडौं । गएराति ८ बजेर १२ मिनेटमा गएको भूकम्पका कारण बझाङका १०० घरमा क्षति पुर्‍याएको छ। जिल्लाको खप्तडछान्ना गाउँपालिका–६ पाटादेवल आसपास केन्द्रबिन्दु बनाएर गएको ५. ४ रेक्टर स्केलको भूकम्पले १०० घरमा क्षति पुर्‍याएको हो।

गाउँपालिकाभरिका करिब १०० घर भूकम्पका कारण चर्किएको र केही घर भत्किएको विवरण प्राप्त भएको बझाङका प्रमुख जिल्ला अधिकारी बाबुराम अर्यालले बताए। भूकम्प आएपछि शनिबार राति स्थानीय त्रसित भएका थिए। उनीहरु डरले रातभर घर बाहिर आगो तापेर बसेरका थिए।