अल्ट्राभोइलेट राइड नगरकोटमा आयोजना हुँदै

काठमाडौं । काठमाडौंदेखि नगरकोटसम्म हुने ‘अल्ट्राभोइलेट राइड’ जेष्ठ ३ गते (शनिबार) आयोजना हुँदैछ। केडिया अर्गनाइजेसनका बिजनेस हेड नवराज कोइरालाका अनुसार राइड काठमाडौंको नक्सालस्थित शोरुमबाट सुरू भई माइतीघर-नयाँ बानेश्वोर-भक्तपुर हुँदै नगरकोटमा पुगेर समापन हुनेछ।

उक्त राइडमा अल्ट्राभोइलेटसँगै २०० सीसी माथिका अन्य कम्पनीका बाइक राइडरहरू सहभागी हुने कोइरालाले जानकारी दिए। अफरोड र अनरोड दुवैको अनुभव दिलाउनका लागि यो राइड आयोजना गरिएको उनले बताए।

राइडका लागि आवश्यक पर्ने बाइक र पेट्रोलको खर्च सहभागी राइडरहरूले आफैं व्यवस्था गर्नुपर्नेछ भने अन्य खर्च कम्पनीले व्यहोर्ने कोइरालाले स्पष्ट पारे।

यस कार्यक्रममा सहभागी हुन फारम https://forms.gle/PN1JpGctuArKSWb29 भर्नु पर्ने हुन्छ। थप जानकारीको लागि ९८०२३५६३१० मा सम्पर्क गर्न आवहान गरिएको छ।