काभ्रेमा भेटियो बम, प्रहरी र सेनाद्वारा निष्कृय

बनेपा । नेत्रविक्रम चन्द ‘विप्लव नेतृत्वको नेकपाले आह्वान गरेको नेपाल बन्दको दिन बिहानै काभ्रेको पनौती नगरपालिका ७ मा शंकास्पद वस्तु भेटिएको छ ।

पनौती मल्पी खोपासी जाने चोकमा दुईवटा बोराभित्र खतरा लेखी राखिएको शंकास्पद वस्तुलाई नेपाली सेना र नेपाल प्रहरीले निष्कृय पारेको जिल्ला प्रहरी कार्यालय काभ्रेले जनाएको छ ।

बस्ती नजिक व्यस्त सडकमा खतरा लेखी बोरामा तार बेरी राखिएको अवस्थाको शंकास्पद वस्तुलाई निष्कृय पारेको जिल्ला प्रहरी कार्यालयले जनाएको छ ।

प्रहरीका अनुसार बोरामा बियरको सिसिलाई बोरा र तारले बेरेर त्रास फैलाउन नक्कली बम राखिएको थियो । जिल्लामा बन्दको कुनै प्रभाव नरहेको भएपनि स्थानीय र यात्रु त्रसित भएका छन् ।

अरनिको र विपि राजमार्गमा यातायता सहज रुपमा सञ्चालन हुनुका साथै जिल्लाको मुख्य शहर बनेपा, धुलिखेल, पनौती, पाचँखाल र भकुण्डे बजारका पसलहरु खुल्ला रहेका छन्