आईपीओ भर्न लगानीकर्ताको संख्या घट्यो

काठमाडौँ । पछिल्लो केही समय देखि सेयर बजार घटेसँगै आईपीओ भर्नेको संख्या पनि घटेको छ ।अघिसम्म कुनैपनि कम्पनीले सर्वसाधारणका लागि निष्कासन गर्ने साधारण सेयर आईपीओमा लगानी गर्ने लगानीकर्ताहरूको ओइरो लाग्ने गर्दथ्यो तर अहिले घट्दो क्रममा छ । यसअघि आईपीओमा आवेदन दिने लगानीकर्ताहरूको संख्या २५ लाखमाथि पुगेकोमा अहिले घटेर १२(१३ लाखमा झरेको छ । इष्टर्न हाइड्रोले सर्वसाधारणका लागि निष्कासन गरेको आईपीओमा आवेदन दिने हिजो ९कार्तिक २ गते, बुधबार० अन्तिम दिन थियो । कम्पनीको आईपीओमा अन्तिम दिनसम्म १३ लाख ९४ हजार ३ सय २६ जना लगानीकर्ताहरूले आवेदन दिएका छन् ।

आईपीओप्रति सर्वसाधारणको रूची घट्नुको मुख्य कारण अहिलेको घट्दो सेयर बजार । गत वर्ष करिव ३२०० को विन्दुमा पुगी नयाँ ईतिहास बनाएको नेपाली सेयर बजार घटेर यतिबेला १८०० को विन्दुमा झरिसकेको छ । यता दैनिक कारोबार रकम पनि २० अर्ब नाघ्ने गरेकोमा अहिले एक अर्ब पुग्न पनि हम्मेहम्मे छ । बजार निरन्तर घट्दा नेपाल स्टक एक्सचेञ्ज नेप्सेमा सूचिकृत कम्पनीहरूको सेयरमूल्य निकै तल झरिसकेको छ । बजार बुलिस हुँदा लगानीकर्ताहरू आईपीओ खुल्ने दिन कुरेर बस्थे । तर अहिलेको बियरीस बजारमा लगानीकर्ताहरूलाई आईपीओप्रति खासै चासो लाग्दैन ।

‘पहिला पो बजार बुलिस थियो । आईपीओबाट राम्रो आम्दानी हुन्थ्यो त्यसैले आईपीओको लोभ लाग्थ्यो । तर अहिले त आईपीओबाट कमाइने नाफा भन्दा दोश्रो बजारमा नै राम्रा९राम्रा कम्पनीको मूल्य त्यहाँ भन्दा सस्तिएको छ । आईपीओ भर्यो पर्ने नपर्ने थाहा हुँदैन । त्यसैले मैले त आजकाल आईपीओ भर्न छाडेँ बरू त्यो पैसाले दोश्रो बजारमै राम्रा कम्पनीको सेयर किन्छु । पहिला बुलिस बजारमा त घरभरीका सबैजनाको डिम्याट खाता खोलिदिएर आईपीओ भरेको थिएँ ।’एक लगानीकर्ताले भने ।

पहिला बजार बुलिस चरणमा रहँदा चिया पसलदेखि तरकारी बजारसम्म अनि स्कुल कलेजदेखि रेष्टुरेन्टसम्म जताततै आईपीओकै चर्चा हुन्थ्यो । आईपीओ भर्ने एउटा ट्रेन्ड नै बनिसकेको थियो । एउटै व्यक्तिले घर परिवार नातागोता साथीसङ्गी लगायत धेरै व्यक्तिहरूको नागरिकता संकलन गरी आईपीओ भर्ने गर्दथे । तर अहिले आफ्नै डिम्याटबाट समेत आईपीओ भर्न छाडिसकेका छन् ।

५ वटा कम्पनीको आईपीओ भर्ने लगानीकर्ताको संख्या नियाल्दा स्

१. पिपुल्स पावर कम्पनी लिमिटेड स् कम्पनीको आईपीओमा अन्तिम दिनसम्म १६ लाख ६ हजार १ सय १० जना लगानीकर्ताहरूले आवेदन दिएका थिए ।

२. श्रीजनशील लघुवित्त वित्तीय संस्था लिमिटेड स् संस्थाको आईपीओमा अन्तिम दिनसम्म १८ लाख ३८ हजार ७ सय ५१ जना लगानीकर्ताहरूले आवेदन दिएका थिए ।

३. खप्तड लघुवित्त वित्तीय संस्था लिमिटेड स् संस्थाको आईपीओमा अन्तिम दिनसम्म १८ लाख ५० हजार १ सय ३२ जना लगानीकर्ताहरूले आवेदन दिएका थिए ।

४. सिक्लेस हाइड्रोपावर कम्पनी लिमिटेडस् कम्पनीको आईपीओमा अन्तिम दिनसम्म १५ लाख ३८ हजार ३ सय ८३ जना लगानीकर्ताहरूले आवेदन दिएका थिए ।

५. इष्टर्न हाइड्रोपावर कम्पनी लिमिटेड स् कम्पनीको आईपीओमा अन्तिम दिनसम्म १३ लाख ९४ हजार ३ सय २६ जना लगानीकर्ताहरूले आवेदन दिएका छन् ।