धादिङका एक युवा गौशालाबाट बेपत्ता

काठमाडौँ । धादिङका एक युवा काठमाडौँबाट बेपत्ता भएका छन् । काठमाडौंको बतिसपुतलीमा बस्दै आएका धादिङको गजुरी गाउँपालिका–८ किरानचोकका २१ वर्षीया सुरज अधिकारी सम्पर्कविहीन भएका हुन् ।

विहीबार बेलुका डेराबाट निस्केका अधिकारीको बोली प्रस्ट नबुझिने परिवारले बताएको छ । अधिकारी डेराबाट निस्कनेक्रममा खैरो हुडी, खैरो ट्राउजर लगाएका थिए । परिवारले खोजीका लागि प्रहरी वित्त गौशालामा निवेदन दिएको छ । प्रहरीले खोजी कार्य जारी रहेको र सिसी टिभी फुटेजबाट उनी गएको स्थान पत्ता लगाउने प्रयास भइरहेको जनाएको छ ।

फोटोमा देखाइएका व्यक्ति कत्तै फेला परे नजिकको प्रहरी चौकीमा खबर गर्न वा मोबाइल नं। ९८६३४५९७४४ मा सम्पर्क गर्न उनको परिवारले अनुरोध गरेको छ ।