काठमाडौं । काठमाडौंको तीनकुनेमा सवारी दुर्घटना हुँदा एक जनाको मृत्यु भएको छ । त्यस्तै अर्का एक गम्भीर घाइते भएका छन् । बुधबार बिहान कुखुरा बोक्ने जीप र मोटरसाइकल आपसमा ठोक्किँएर भएको दुर्घटनामा मोटरसाइकल चालक २३ वर्षीय नोजन राईको मृत्यु भएको प्रहरीले जनाएको छ ।

उनी भक्तपुरको सुर्यविनायक नगरपालिकाकाका रहेको खुलेको छ । राईको आज बिहान उपचारको क्रममा राष्ट्रिय ट्रमा सेन्टरमा मृत्यु भएको हो । त्यस्तै सोही मोटरसाइकलमा सवार सुर्यविनायक नगरपालिका–२, बालकोटका २३ वर्षीय चन्द्र सिलवालको भने उपचार भइरहेको जनाइएको छ ।

प्रहरीका अनुसार बिहान ३ बजेतिर बा ४९ प ५७७५ नम्बरको मोटरसाइकल र प्रदेश २–०३–००१ च ३९९८ नम्बरको जीप आपसमा ठोक्किँएर दुर्घटना भएको थियो ।