त्रिकोणात्मक टी-२० क्रिकेट सिरिजका लागि २० खेलाडी बोलाइयो, को को परे ?

काठमाडौं । नेपाल क्रिकेट संघ (क्यान) ले त्रिकोणात्मक टी–२० क्रिकेट सिरिजका लागि २० खेलाडीलाई बन्द प्रशिक्षणमा बोलाएको छ । क्यानले आइतवार बन्द प्रशिक्षणका लागि २० खेलाडीलाई बोलाएको हो ।

बन्द प्रशिक्षणमा बोलाइएका खेलाडीहरूमा ज्ञानेन्द्र मल्ल, पारस खड्का, दिपेन्द्र सिंह ऐरी, विनोद भण्डारी, सोमपाल कामी, करण केसी, सन्दीप लामिछाने, अविनाश बोहरा, आरिफ शेख, आशिफ शेख, कुशल भुर्तेल, कुशल मल्ल, लोकेश बम, कमल सिंह ऐरी, सुशन भारी, शाहब आलम, सन्दीप जोरा, बिक्रम सोब, पवन सर्राफ र ललित नारायण राजवंशी रहेका छन् ।

नेपाली टिमको बन्द प्रशिक्षण मंगलवारबाट शुरू हुनेछ । नेपालले घरेलु भूमिमा नेदरल्यान्ड्स र मलेसियासँग त्रिकोणात्मक टी–२० सिरिज खेल्नेछ । सिरिज टियु क्रिकेट मैदानमा बैशाख ४ देखि ११ गतेसम्म (अप्रिल १७–२४) हुनेछ ।